Akunad

Bibliographie

Idlisen / Ouvrages

Imsawalen / Interviews

Tamedyazt / Poésie

Asiggel / Recherche

Bienvenue sur Akunad

Nra tamazight, mac ad nn ur tzri afulklur!

Da tssiwid tmazight! Akud nna ghaln is tmmut, armn tt inn mqar s tkrkas (mensonge), da tt inn ttafan ar ka tsikkut s tudrt, gg^wdn dagh urrin nit s aylli yadlli skarn, ttun dagh izrfan n ufgan, ttun tadimukrasit, ttun tatrara (modernité), urrin dagh s izmaz n tillas, lli g ur ittnbad kra ur igin yan wawal, yan umnad (opinion), yat tdyulujit…

Zrin g tmurt ngh yan mnnaw isgg^wasn ghaln gis middn is nit tlla tabbayt (rupture) tamggrut d izmaz n zik d tillas nsn d tnnuzgha nsn (ignorance), d ibkkadn (crimes) lli gisn ttuwskarnin, ghaln is d ilul yan uzmz yadn qarn as akud ann azmz amaynu lli rad ig win tlilli (liberté), d izrfan n ufgan d tmnnawt (diversité)…

Tga tmazight yan g itabutn lli mmi ur tufit ad as tggrt g uzmz n zik, tg bdda ar ass ad nit sul tamatart taxatart lli immaln is nit nra tadimukrasit ngh uhu g tmurt ad.

Aya nn ad d yiwin llig hra sawln inbbadn ngh xf uzrf n tmazight, mmrn (sont satisfaits) ak^w willi ttwarganin s tdimukrasit, ghaln mas nit issnta yan uzmz yadn, mac llan willi frsnin (sont sages) g uswingm nnan ma s d aya d ur igi ghas tiddas (ruses) n lmxzn lli bdda ismmsskaln (changer) timlsa, mac aylli igan intti (essentiel) ns da ittghama mk lli bdda iga.

Ur zrin yan mnnaw isgg^wasn allig d yugga is d aylli nnan ighzan, willi sawlnin xf tmazight ghaln is sawln xf yat tutlayt immutn, yat tmagit lli ttun middn, yat tghawsa turri tga sul ghas afulklur, ur sul tzdi d kra ur igin aylli irkakan g tudrt n middn, imil ha tamazight ar d tnkkr ar tsmmussu g wamun (société) aylli yadlli igrsn, ha d imsnfluln (créateurs) g ku abaraz ar ttawin tismghurin timadlanin (prix mondiaux).

Ddhcrn ilmma idaynasurn ngh lli yadlli ur myarnin ad zrn kra ur igin yan wawal, walli s nbdn, walli s ar zzrayn tillas i middn ur d tifawt, mmaghn dagh ass ad ar ttndaln (détruire) imik lli yadlli fkan mqar ur igi amya, mmaghn ad srsn izrfan idiktaturin lli g iga uzrf n usзrrb lli ira ukabar n listighlal ad t inn isrs i ubarlaman nsn ad t izzri, azrf ad lli rad isbzziz mqar d xf igdad ad ur ttirirn s kra ur igin awal n waзrabn g tmazirt n imazighn! Ma s ar sul ttqlm?!

Agadir ass n 21-08-2008

Les 5 dernières nouvelles

Interview - par ahddane le 27/07/2008 @ 21:28

Interview
M.Akunad: "Les amazighs doivent produire dans leur langue"
Cliquez ici

^... / ... Lire la suite